Ar coro u pia ar num da Gerberto d'Aurillac che l'era abate dar munaster ad S. Culomban a Bobi eturan l'an mil, e che dop l'è dventè papa cor num ad Silvestro II.
Stüdius d'astrunumia, matématica e filusufìa ma anca ad müsica, Gerberto l'é stat l'enventur ad l'órgan ad acqua.
Propi par tal mutiv Mons. Michele Tosi, che l'èva fondè al coro ént' j' an 60, l'ha vurìd rend onur al famus monag e papa dand u so num al coro Gerberto.

Se al “Coro Gerberto” a nuvembar dar ’98, dop pusè ad vent an ad silensi l’è turnè a cantè, a l’é grasie par la custansa e l’empegn di curista ansiàn e par la tenacia e ar talent müsical dar meistar Edo Mazzoni, u pusè giuvan ad tuti.

Jen trenta i curista chi s’esibisa con on vast repertori ad cant tradisiunèl ad ra montagna, cant dal fulklur enternasiunèl, cansion d’autur mudèran, rielaburè e armunisè dar meistar e minera chè scutè sia gradid a tuti: ansian e giuvan.

Con ar temp i “Gerberti” j’ han fat ad j’esperiens d’empronta sicura con la partecipasion a du concert a Ybbs(Austria) citè smela con Bobi (giugn 2001, nuvembar 2002 e stembar 2004).
E tar 2001 è stat pruietè a Turin “Film Festival 2001” par la Rassegna “Fare cinema” ar curtometrag “Il maestro di coro” girè a Bobi da Marco Bellocchio regista e bubièis d.o.c, tra i prutagunista meistar e Gerberti.

Al coro “Gerberto” u partecipa a diversi manifestasion e concert in Italia e a l'èstar e l’urganiza rasegn curèl “Salve o mia montagna”, “Cori nel chiostro” e "Concerto di S. Stefano", incuragiè dar consens ad ra critica a dar public.

In Agust 2004 ar coro Gerberto ra fat ar so prim Cd "Voci Suoni Poesie".