Edo Mazzoni u s’è diplumè a 18 an en flaut travèrs ar conservatori “G.Nicolini” ad Piazensa con la guida dar M° Emilio Galante e l’ha partecipè a master class ( tra jetar Guiot nel ’95) curs e concurs e u s’è clasifichè e tar 1994 au tèrs post a Genva e tar 1996 sicond a Milan.
L’ha studiè compuzision cor M° Carlo Landini, strumentasion par banda a Bulogna con ar M° Giacobini, diresion ad banda con ar M° Hans Obkircher, didattica e diresion curèl con ar M° Mario Pigazzini e l’ha fat pèrt dal coro “Polifonico farnesiano” ad Piazensa.
U culabura con tanti grup ad musica da camra e bandist e u partecipa attivament a la concertistica sia en Italia sia a l’estar.

L’esegna educasion musical e te scol elementar ad Vigolo Marchese (PC) e Pont da l’Oli (PC). E tu medesim pais l’ensegna teuria, sulfeg e saxofon
A la scola ad musica a l’è co-diretur esem al M° Enrico Rimondi dar corp bandistic Pontullieis “Giubbe Rosse”

Adess u frequenta ar curs ad saxofon ar conservatori ad Piazensa e u s'è anca diplumè al liceo artistic et la sesion “Beni Culturali”.

Dal 1998 l’è diretur dar coro “Gerberto” e l’entenda continuè ar percurs che e pochi an l’ha purtè ar grup a on livel artistic sudisfacent.